OINSÁ MAKA ITA EXPORT DADUS IHA ARCGIS HO TIPU SHAPEFILE

Etapa sira ne’ebe ita sei utiliza ka halo tuir molok atu rai dadus ruma iha arcGIS ho tipu Shapefile.

Shapefile nee hanesan tipu dokumentu ida ne’ebe kada aplikasaun ida-idak nian, ho objetivu atu aplikasaun ne’e bele lee bainhira ita atu hatama fali ba aplikasaun refere.

Iha arcGIS, etapa dahuluk nian ita atu rai dadus refere,  uluk nana’in ita tenki iha lai dadus baziku arcGIS nian, exemplu hanesan mapa ruma, ka area ruma ne’ebe ita presiza.

Iha ne’e, iha ona dadus balun ne’ebe ita presiza hodi ita bele kria area limite no rai dadus refere nudar tipu dadus shapefile, dadus sira ne’e ita bele hetan husi ema sira ne’ebe iha ona, ou bele mos mai husi Internet liu husi ArcGIS online.

Etapa primeiru mak ita hahu loke arcGIS, hanesan hatudu iha figura kraik ne’e.

Bainhira arcGIS ne’ebe ita loke, nia mosu primeiru mak hanesan hatudu iha kraik ne’e, iha figura kraik ne’e indika iha tabela figura nian ne’e hatudu katak hau iha ona projetu balun ne’ebe halo antes ona, ida mak Untitled no ida seluk mak projetu.

Iha ne’e karik ita boot sira hakarak atu kontinua edit projetu ne’ebe ita boot sira halo antes ona entaun klick tiha iha projetu rua ne’e kualker ida ne’ebe ita prezisa hafoin klick iha ok, maibe tamba ita atu halo projetu foun hodi rai nudar dokumentu tipu shapefile, entaun ita hili close. Haree figura kraik ne’e.

Bainhira ita klick iha close, nia hatudu ka tampilan dahuluk ita loke ArcGIS mak hanesan hatudu iha kraik ne’e. Atensaun, iha arcGIS molok ita atu hatama dokumentu ruma ka dadus ruma, primeiru ita tenki muda uluk nia sistema koordenadas nian. Tamba saida mak ita presiza muda sistema koordenadas nian, atu nune’e fasil ba ita bainhira ita hatama dokumentu ruma hanesan mapa ruma, nia bele mosu tuir sistema koordenadas ne’ebe iha, tamba kada nasaun ho sistema koordenadas ne’ebe diferente. Kuandu sistema koordenadas seidauk muda, maka ita boot sira bele haree hanesan hatudu iha figura kraik ne’e, nia sei sai katak Unknown Units, ne’e katak sistema koordenadas seidauk muda ka seidauk hatama.

Atu muda sistema koordenadas nian mak hanesan hatudu mos iha figura kraik ne’e, maneira mak, haree iha menu leten ne’e, hili iha parte View nian, muda mouse tun mai iha Data Frama Properties hafoin klick iha ne’e.

Hafoin ita klick iha Data Frama Properties nia sei hatudu hanesan hatudu iha figura kraik ne’e, iha ne’e ba dalauluk nian ita hili Geographic Coordinate System no klick iha sinal (+). Hili fali iha parte kraik nian iha World.

Hili tiha World, nafatin klick iha sinal (+), hafoin hili WGS 1984.

Iha ne’e ita bele muda sae tiha WGS 1984 ne’e ba iha leten ka ba iha parte Favorite nian, atu nune’e ita taka tiha ArcGIS, bainhira ita loke fali ita presiza hatama fali karik ita bele haree iha leten deit, la presiza muda tun tan to’o iha kraik ne’e. Maneira mak klick mouse parte kanan nian ba iha iha WGS 1984, hafoin hili Add to Favorites, ita bele haree iha nee, nia direitamente ba kedas iha leten.

Hafoin WGS hotu tiha, ita hili fali parte segundu nian Projected Coordinate System, nafatin klick iha sinal (+), hafoin hili iha UTM. Iha parte UTM nian ne’e mos hili iha sinal (+).

Iha parte UTM nian kuandu ita hili iha sinal (+), ita kontinua muda mouse tun mai kraik hafoin hili fali WGS 1984, nafatin ita klick iha sinal (+).

Iha WGS 1984 nian kuandu ita hili iha parte (+) nian, nia sei kontinua tan, hafoin ita hili fali Shouthem Hemisphere. Nafatin hili iha sinal (+).

Hili tiha sinal (+), ita muda mouse tun ba, buka file ho naran WGS 1984 UTM Zone 51S no WGS 1984 UTM Zone 51S muda tiha ba iha favorite nian hanesan ohin ita muda ona WGS 1984 iha leten nian, maneira mak klick mouse kanan ba iha file rua ne’e kualker ida uluk no ba iha Add To Favorites.

WGS 1984 UTM Zone 51S no WGS 1984 UTM Zone 51S tenki muda hotu ba iha parte Favorites nian, atu nune’e ita bele uza bainhira ita loke arcGIS. Haree iha figura kraik ne’e.

Se bainhira ita muda hotu ba iha leten, hafoin ita bele hatama ona, maneira mak klick ba iha sira na’in tolu ne’e ba ida ne’ebe ita presiza, hanesan hatudu iha figura kraik ne’e, klick iha parte WGS 1984, hafoin hili Ok.

Bainhira ita klick ok ona, nia sei hatudu hanesan iha figura kraik ne’e, atensaun ohin Unknown Units agora sai ona Decimal Degrees.

Ne’e mak meneira ne’e ita sei utliza atu muda sistema koordenadas. Agora tuir mai ita haree fali kona ba maneira hatama dadus area limite hodi rai ka simpan nudar Shapefile. Maneira ita atu hatama dadus, uluk liu ita tenki hatene uluk file ne’e ita rai iha ne’ebe, hafoin mak ita bele hatama mai, atu hatama dadus sira, ba de’it iha parte Sinal (+) iha parte ne’ebe mouse hatudu hela ba iha parte figura kraik ne’e.

Klick iha ne’e, haree nia direita ba iha file no folder ne’ebe ita tau nanis ona iha komputador. Nia hatudu hanesan ne’e, komesa buka ona file ne’ebe ita atu hatama ba, ezemplu iha ne’e area limite, entaun buka dadus refere, Ezemplu hau nia tau iha Dadus ArcGIS, hafoin ita klick iha ne’e, to’o ba iha vetoriais no iha poligonos, tamba tuir regra dadus sira kona ba limite area ne’e sempre rai iha poligonos.

Hafoin klick ba iha dadus ArcGIS ne’e iha, ita sei assesu fali ba iha dadus Vetoriais no dadus Raster, baibain dadus Limite Area  nian ne’e sempre rai iha dadus Vetoriais.

Haree iha figura kraik ne’e, bainhira ita loke ona dadus vetoriais ita sei assesu fali folser tolu seluk, hanesanhatudu iha figura kraik ne’e, iha nee ita hili folder Poligonos, tamba hanesan ohin hateten ona katak file Limite area ne’e sempre rai iha Poligonos.

Bainhira ita hetan ona dadus limite area nian, hein klick dalarua iha file ne’e deit, hafoin hili tan limite area, hanesan hatudu iha figura tuir mai.

Mosu hanesan iha figura kraik ne’e, hanehan deit dalarua, ou bele mos klick ba iha parte Add nian, nune’e dokumentu refere tamba kedas ba iha ArcGIS.

Ne’e mak limite area ne’e iha, iha ne’e ita sei hamoris labels features atu nune’e ita bele haree numeru area ka area ne’e nia naran, ou bele mos ita bele haree ita nia area bazeia ba naran ne’ebe ita hatama ona ba iha area refere.

Nia maneira mak ba klick mouse liman loos nian iha Limite Area Geral 2021 nian hanesan hatudu iha figura kraik ne’e, hafoin hili Properties ou bele mos klick mouse dalarua iha Limite Area Geral 2021 nian.

Bainhira ita hanehan mouse dalarua ba iha Limite Area Geral 2021 nian ka ita klick iha Properties, maka nia sei hatudu hanesan iha figura kraik ne’e. nia hatudu hanesan iha figura kraik ne;e, ita bele hili hanesan hau halo ona iha figura kraik ne’e, iha parte Label Field nian hodi hili, ita hakarak nia hatudu iha limite area ne’e naran ka numeru, ne’e katak naran area nian ka numeru area nian, depende ita mak hili, maibe iha ne’e hau hili naran, atu nune’e hau bele hatene hau nia area iha ne’ebe. 

Hafoin ita hili tiha, hoti molok klick iha OK, keta haluhan vistu tiha iha parte Label Features in this Layer atu nune’e naran ne’ebe ohin ita selesiona bele hatudu ka sai kha area refere.

Bainhira ita vistu ona, hafoin mak ita bele hili ka hanehan OK ou bele mos hanehan iha Apply, hafoin OK.

Haree iha figura kraik ne’e, bainhira ita hili hotu ona nia sei hatudu hanesan iha figura kraik ne’e. tamba ohin ita hili Nome, maka ita hatudu iha ne’e mos naran deit. Hotu ida ne’e ita bele haree ona area nia naran, ka ita bele haree ona ita nia naran ne’e monu iha area ne’ebe, bainhira ita identifika hetan ona ita nia naran monu iha area ne’ebe, ita hili parte Sinal (+) nune’e ita bele zoom besik ba ita nia area halo besik. Haree iha figura kraik ne’e hatudu.

Bainhira ita zoom besik mai iha ita nia area maka nia sei hatudu hanesan iha figura kraiki ne’e. iha ne’e ita bele ona halo ketan ita nia area hodi bele simpan ka rai hanesan dokumentu ho format Shapefile.

Bainhira ita dada besik hotu ona, haree iha figura kraik ne’e, ita hili iha Select Feature, hodi ita bele hili ita nia area, haree iha figura ne’e mouse hatudu ba.

Ba tiha iha select feature, klick iha nee dala ida, hafoin muda mai klick ba iha ita nia area, nia sei selesionadu hanesan hatudu iha figura kraik ne’e.

Hotu ida ne’e ita bele save ka rai ona, maneira atu rai mak ba iha Limite Area Geral 2021, klick mouse parte kanan iha ne’e, hafoin hili Data, ba iha Export Data, haree hanesan iha figura kraik ne’e hatudu.

Loos ona!!!. Klick iha Export data nia sei sai hanesan hatudu iha figura kraik ne’e, iha fiogura kraik ne’e, ita hili iha parte segundu nian, ne’ebe hakerek katak the data frame hafoin ita hili iha parte sorin hatudu figura kiik oan ida hanesan folder ne’e, haree iha figura kraik ne’e mouse hatudu ba. Ita hili ida ne’e ho objetivu atu ita bele buka fatin ne’e ita atu rai dokumentu ne’e ba.

Bainhira ita hili ona, nia sei hatudu hanesan ne’e, maibe karik balun diferente, bazeia ba ArcGIS ne’ebe durante ne’e ita utiliza ona. Kuandu hatudu hanesan iha figura kraik ne’e, ba iha parte ne’ebe mouse ne’e hatudu ba, hafoin maka hili fatin ne’eba ita atu rai ba.

Iha ne’e mak hau nia dokumentu sira ne’ebe hau rai iha Lokal Disk D, iha ne’e mak ita buka folder ne’ebe ita hakarak rai ba, ezemplo hau nian iha ne’e hau hakarak rai iha Dadus ArcGIS.

Bainhira buka hetan ona fatin ne’ebe ita atu rai dokumentu sira ba, hafoin mak ita bele loke file ka folder ne’e hodi rai dokumentu refere, iha hau nian molok loke ne’e hau kria antes tiha ona folder atu lori rai file, hanesan folder RASTER no VETORIAIS iha dadus ArcGIS nia laran. Iha Vetoriais nia laran mak iha tan folder tolu hanesan Linhas, Poligonos no Pontos.

Tamba dokumentu ne’e hanesan Limite area, maka ita tenki rai nia iha Poligonos, ita loke poligonos hafoin kria folder foun iha ne’e.

Maneira ita atu kria folder foun ne’e ita bele haree deit iha figura kraik ne’e, ida ne’e mouse hatudu ba, klick deit iha ne’e.

Bainhira ita klick ona iha ne’e, folder foun ne’e mosu, hafoin ita troka folder foun ne’e ho naran ita nian tuir naran dokumentu ne’ebe ita hakarak rai, iha ne’e tamba ita atu rai dokumentu limite area nian, entaun ita tau folder ne’e nia  naran mak Limite area hafoin tau mos ho ita nia naran, atu nuee’e ita bele hatene bainhira ita assesu fali.

Hotu ida ne’e ita bele kopi naran ne’e, ou bele mos la prezisa mos di’ak hela, hotu ita klick mouse sai tiha husi folder ne’e, hafoin ita klick dalarua ba folder ka area limitye ne’e ohin ita foin kria ne’e, atu nuene’e ita bele tama ba iha laran hodi rai dokumentu refere.

Iha parte ida ne’e, ita iha ona folder limite area nia laran, iha ne’e maka ita rai dokumentu ba, moloik ba iha Save, uluk nana’in ita tenki troka lai naran ba dokumentu refere iha parte (Export_output_shp), hanesan hatudu iha figura kraik ne’e. Troka naran tuir deit naran folder ne’e nian, ne’ebe ohin ita kopi ne’e paste deit iha ne’e, karik ita la kopi bele ketik ulang ba deit, tuir naran folder nian, atu nune’e fasil ba ita hodi hatene.

Troka naran hotu tiha, ba fali iha naran dokumentu ne’e nia okos, iha parte Save as type hili parte segundu nian mak Shapefile.

Hafoin hili Save.

Kontinua mai iha ne’e, klick deit iha OK.

Mosu hanesan hatudu iha figura kraik ne’e, ita hili Yes, atu nune’e dokumentu ne’e ohin ita kria bele hatudu iha ArcGIS ka Table of Context.

Hotu tiha, ita halo desativa tiha sinal iha parte Limite Area Geral 2021 nian, atu nune’e ita nia area ne’e ohin ita foin kria ne’e ka hatudu deit, haree iha figura kraik ne’e, mouse hatudu ba, bainhira ita desativa ona, maka ita nia area sei hatudu mesak hanesan iha figura kraik ne’e hatudu.

Ne’e mak prossesu kria dokumentu ka rai dokumentu ho tipu Shapefile iha ArcGIS, tuir mai ita bele rai mos hanesan projetu ida ne’ebe ita bele kontinua edit, bainhira ita presiza. Maneira ita atu rai hanesan projetu deit, entaun ita hili iha parte save nian, hanesan iha parte figura kraik ne’e, mouse hatudu ba.

Hafoin maka ita hili fatin ne’e ita atu rai ba.

Ezemplu hau nian iha ne’e hau rai iha parte DADUS ARCGIS nia laran de’it.

Bainhira ita hetan ona fatin ba atu rai projetu ne’e, ita bele save ona, maibe molok atu save, ita bele troka mos naran, atu nue’e ita bele hatene bainhira ita presiza.

Ita presiza save dokumentu ho tipu Projetu deit ne’e ho objetivu karik ita presiza fali atu edit iha tempu tuir mai ne’e fasil, la presiza halo hahu fali husi inisiu, maibe edit kontinua deit.

Klick iha ne'e hodi haree: Maneira Instalasaun ArcGIS

Mak ne'e deit, prossesu hatama dadus no rai dadus bho tipu Shapefile.

Karik buat balun laloos bele hato'o liu husi fatin Komentariu, ou bele mos kontaktu direita mai hau liu husi fatin kontaktu nian.

Posted in: ArcGIS, jeolojia jeral