INSTALASAUN BA ARCGIS

ETAPA SIRA NE'EBE ITA BELE TUIR ATU HALO INSTALASAUN BA ARCGIS

Iha artigu simples ida ne'e atu lori de'it materia simples ida kona ba oinsa halo instalsaun ba Aplikasaun ArcGIS iha komputador ka laptop, materia ne'e hau koko hakerek iha dunik versaun tetun nian, hanesan ita hotu hatene katak ArcGIS hanesan aplikasaun ida ne'ebe mais favoritu liu iha mundu nebe ema uza atu halo estudu kona ba dadus rai ne'e nian.

Aplikasaun ArcGIS

Hafoin akompana tiha introdusaun simples iha leten, mai ita hahu halo instalsaun.

Nota baziku: Laptop ka komputador tenki halo refresh kada etapa kuandu prossesu la'o hela, atu nune'e laptop no komputador refere bele funsiona ho di'ak no lalais.

Loloos ne'e fasil hela ba ema hirak ne'ebe hatene ona, maibe ba hirak ne'ebe seidauk hatene, ne'e defisil atu instala, tamba prossesu halo instalasaun ba ArcGIS ne'e diferente uitoan ho Software sira seluk iha Komputador.

ArcGIS ne’ebe hau uza ho Versaun 10.4.1, ba kolega sira ne’ebe atu halo instalasaun bele haree uluk Vesaun husi ArcGIS refere, hafoin bele akompanha artigu ne’e hodi halo instalasaun. Maibe prossesu instalasaun ladun diferente dook entre versaun sira ne'e. Iha etapa lubuk ida ne'ebe ita presiza tebes atu halo tuir:

1. Ita tenki iha software ka file ArcGIS nian, file ne’e ita bele hetan liu husi Download iha internet ou bele mos Send ka kopi husi kolega sira ne’ebe iha ona file ne’e. atu hatene file ArcGIS katak kompletu, ita tenki haree iha file ne’e nia laran tenki iha file tolu mak hanesan: Folder Crack ida, ArcGIS_Desktop_1041_151727 ho ArcGIS_License_Manager_Windows_104_149423. Hanesan hatudu iha figura kraik ne’e. Husi file sira ne’e iha Crack ne’e nia laran sei iha tan file tolu: AfCore.dll, ARCGIS ho service. Haree hanesan iha figura segundu nain.

File tolu ArcGIS nian nebe ita presiza iha hotu

File tolu nebe iha Crack nia laran fali, nebe sei uza mos

2. Hahu instalasaun, haree file tolu iha figura dahuluk nian, halo instalasaun uluk ba iha file ida ho naran ArcGIS_Desktop_1041_151727, maneira mak hanehan ba aplikasaun ne’e dalarua ou bele mos hanehan mouse parte liman los nian hafoin hili Run as administrator. Bele haree iha figura kraik ne’e, kuandu ita hanehan ona ka ita hili ona, maka nia sei sai pontus tuir mai hanehan Yes no nia sei sai hanesan figura parte kraik ne’e nain.

Nia sai hanesan ne’e hanehan next (kaundu laptop uza lian indonesia selanjuntnya kuandu uza lian portugés continuar) bainhira hanehan ona next, maka hein de’it nia halai to’o remata. Halai remata tiha haree nia sai hanesan figura iha kraik ne’e (Launch the setup program tenki vistu) hafoin hili Close.

Bainhira ita hili close ona, aplikasi direitamente halo instalasaun, sei sai hanesan figura iha parte kraik ne’e nian.

Mosu hanesan figura iha leten, hanehan iha next, no sei kontinua ba iha figura kraik ne’e, hili parte leten nian I accept the licence agreement hafoin hili hanehan next.

Bainhira ita hanehan iha next, ba iha figura iha leten, nia sei mosu hanesan iha figura kraik ne’e. bainhira nia mosu hanesan figura kraik ne’e, hili Complete, hafoin hanehan next.

Bainhira ita next, nia sei mosu fogura tuir mai hanesan iha kraik ne’e, mosu hanesan figura kraik ne’e, ita hanehan kontinua de’it ka hanehan direita de’it iha next.

Bainhira ita hanehan iha next mak nia sei sai hanesan iha figura kraik ne’e, iha parte figura ida ne’e mos ita hanehan next de’it.

Hafoin ita hanehan next, maka nia sei sai figura ida kraik ne’e hodi hahu instalasaun. Molok hanehan iha instal, tenki vistu sinal (Click here to participate in the Esri Experience Improvement program). Hafoin hanehan instal.

Prossesu ne’e kleur uitoan, depende ba kapasidade komputadór ka laptop ida-idak nian, tamba ne’e haree nia sei halai hela (loading), tenki halo refresh nafatin ba ita nia laptop ka komputador to’o halai remata, atu nune’e laptop bele funsiona ho normal no lalais. Bainhira nia remata sei sai hanesan figura hatudu iha kraik ne’e.

Mosu tiha hanesan iha figura leten ne’e, atensaun labele hanehan lai iha finish. Maibe hakat ba halo instalasaun tan ba iha file seluk, haree iha parte tuir mai terseiru nian ne’e. Bele hanehan finish, maibe iha artigu ida ne'e esplika kona lalikan hanehan finish lai, kontinua ba iha parte tuir mai.

3. Bainhira aplikasaun primeiru halo instalasaun hotu ona, sei mosu figura hanesan iha leten nian. Mosu figura hanesan iha leten nian ne’e, labele hanehan finish lai, maibe loke fali file tolu ohin iha leten, halo instalasaun fali ba iha file terseiru nian: ArcGIS_License_Manager_Windows_104_149423. Haree iha figura kraik ne’e.

Maneira hanesan mos iha leten, bele hanehan dalarua iha aplikasaun ne’e, ou bele mos hanehan mouse liman los nian, no hili Run as administrator. Bainhira hanesan ona iha aplikasaun ne’e, prossesu tuir mai hanehan Yes maka sei mosu hanesan iha figura kraik ne’e. bainhira mosu ona hanesan iha figura kraik ne’e, hanehan next.

Hafoin ita hanehan next iha figura leten, maka prossesu sei halai (loading) hotu no sei mosu mai figura iha karaik ne’e, direitamente ita hanehan Close.

Bainhira ita hanehan iha close, prossesu la’o no sei mosu hanesan hatudu iha figura kraik ne’e no hanehan iha next. 

Mosu hanesan figura iha leten, hanehan iha next, no sei kontinua ba iha figura kraik ne’e, hili parte leten nian I accept the licence agreement hafoin hili hanehan next.

Bainhira ita next ona, nia sei mosu hanesan hatudu iha figura kraik ne’e, no ita kontinua hanehan iha next.

Ne’e mak prossesu ikus, ita hanehan iha next, nia sei mosu mai figura iha hanesan hatudu iha figura kraik ne’e, hanehan iha instal no ita hahu halo instalasaun.

Prossesu ne’e kleur uitoan hanesan mos aplikasi ne’ebe ita halo instala uluk ona, depende ba kapasidade komputadór ka laptop ida-idak nian, tamba ne’e haree nia sei halai hela (loading), tenki halo refres nafatin ba ita nia laptop ka komputador to’o halai remata, atu nune’e laptop bele funsiona ho normal no lalais. Bainhira nia remata sei sai hanesan figura hatudu iha kraik ne’e.

Atensaun, bainhira remata ona, nia sei hatudu hanesan iha figura leten ne’e, iha ne’e ita labele hanehan finish lai, maibe ita ba fali aplikasaun ArcGIS_Desktop_1041_151727  ne’ebe ohin ita halo instalasaun dahuluk nebe ita seidauk hanehan finish ne’e, ita hanehan finish uluk lai ba aplikasaun ne’e. Maneira mak muda de’it mouse ba iha parte sorin ne’ebe ohin ita instala uluk ne’e, haree iha figura kraik ne’e.  

Haree iha figura leten nee’ ida ne’ebe ceta mean hatudu ba ne’e mak aplikasaun primeiru ne’ebe ohin ita halo instalasaun uluk maibe seidauk hanehan finish, no ida ceta kinur ne’e mak aplikasaun segundu ne’e ita foin instalasaun hotu ne’e, tamba nee mak ita tenki halo finis uluk ba aplikasaun ida uluk nian nebe ceta mean hatudu ba, no ida ne’ebe ita foin instala nee labele halo finis lai.

Bainhira ita muda ba iha aplikasaun ArcGIS_Desktop_1041_151727 ne’ebe ohin ita halo ona instalasaun dahuluk, haree iha figura kraik ne’e no hanehan finish.

Hafoin ita hanehan finish ba iha figura leten ne’e nian, sei mosu kedas hanesan iha figura kraik ne’e, no bainhira mosu hanesan iha figura kraik ne’e, ita presiza halo vistu ba iha Define a Licence Manager later from the ArcGIS administrator. Hafoin ita hanehan iha OK.

Ita hanehan tiha OK, sei mosu mai hanesan iha figura kraik ne’e, mosu tiha hanesan iha figura kraik ne’e, ita hanehan de’it iha OK. Ne’e mak final ka ikus husi instalasaun ba aplikasaun uluk nian ka ArcGIS_Desktop_1041_151727 nian.

4. Hotu tiha instalasaun ida ne’e, ita loke fali folder ArcGIS nian iha file tolu ne’e, ita hili iha Crack no haree iha file service nian, ita loke no edit troka ho ita nia Komputador ka desktop nia naran. Maneira mak ba iha Sistema komputador ita nian, hanehan mouse parte liman los nian hili Properties. Haree iha figura kraik ne’e.

Hili tiha Properties, hanehan iha ne’e, hafoin haree ita nia komputador nia naran, hanesan parte hau nian nia naran haree iha iha figura kraik ne’e, foti naran ida ne’ebe hatudu sirkulu mean nee.

Haree tiha naran ne’e, tenki dekor ka kopi hodi ba troka fali naran iha file service nian iha parte this_host nian.

Troka tiha naran hanesan haree iha figura hatudu iha kraik ne’e. bainhira troka ona, bele Rai ka simpan ou Save.

Simpan ka save tiha, taka tiha file service ne’e, hafoin kopi file service ne hamutuk ho file ARCGIS, haree iha figura kraik ne’e, block hotu tiha kopi dala ida de’it lori ba rai fali iha Local Disk (C).

Kopi tiha file rua ne’e, ba iha Local Disk (C), hili program file, ba iha ArcGIS hili License10.4 ba iha iha bin hafoin rai ka paste iha bin nee nia laran. Bainhira ita rai ka paste sei mosu hanesan iha figura kraik ne’e, hili de’it Replace the files in the destination.

No sei mosu fali hanesan iha figura kraik ne’e, halo vistu tiha ba iha Do this for all current items hafoin hanehan Continue.

Hotu tiha ida ne’e, ba fali iha folder ArcGIS nian iha file tolu iha Crack nia laran ne’e, kopi fali file AfCore.dll, lori ba rai ka pasta fali iha Local Disk (C) hanesan mos ida uluk nian, maibe sira nia fatin diferente.

Maneira mak kopi tiha hanesan iha figura leten ne’e. Ba iha Local Disk (C), hili program file, ba iha ArcGIS hili Desktop10.4 ba iha iha bin hafoin rai ka paste iha bin ne’e nia laran. Bainhira ita rai ka paste sei mosu hanesan iha figura kraik ne’e, hili de’it Replace the files in the destination.

No sei mosu fali hanesan iha figura kraik ne’e, hanehan de’it iha Continue.

5. Hafoin ida ne’e hotu tiha, ita bele halo finish ona aplikasaun ArcGIS_License_Manager_Windows_104_149423 ne’ebe ohin ita halo instalasaun segundu nian. Hanesan hatudu iha figura kraik ne’e.

Bainhira ita hanehan finish ba iha figura leten ne’e, maka nia sei mosu mai hanesan hatudu iha figura kraik ne’e.

Bainhira to’o iha ne’e, ita hili star/stop Licence Service. No hanehan ba iha Re-Read Licenses hein to’o Re-Reading Licenses halai ka loading to’o remata. Haree iha figura kraik ne’e.

Hafoin hili fali Configure, Bainhira hanehan ona iha Configure, ba iha Allow License Borrowing nee halakon tiha vistu nebe iha. Haree iha figura kraik ne’e.

Hafoin ida ne’e remata ita tun mai fali iha Availability haree iha figura kraik ne’e. iha availability nia ne’e, ita mai iha parte refresh nian hanehan de’it iha ne’e dala rua ou dala tolu. Hafoin muda fali ba iha Authorization.

Hafoin mai iha Authorization, ba hili iha Version, haree iha figura kraik ne’e, hili 10.1-10.4, ida ne’ebe ceta mean hatudu ba.

Hotu ida ne’e ita mai iha Diagnostics, hili no hanehan iha Diagnose, haree iha figura kraik ne’e.

Hanehan iha Diagnose sei sai iha tebela laran ne’e hanesan hatudu iha figura kraik ne’e.

Hotu ida ne’e, hanesan parte ikus husi instalsaun ArcGIS 10.4.1, hafoin ita hanehan iha Apply depois OK.

6. Instala hotu tiha, ita ba iha file ArcGIS ne’ebe ita instala ona ita hili ArcGIS Administrator hanesan hatudu iha figura kraik sirkulu mean nian. Atu ita bele hadi’a liutan nia pengaturan balun. Iha ne’e hau uza windows 8 mak hatudu modelu hanesan nee, karik kolega sira ne’ebe uza windows 7 ka 10 bele buka de’it liu husi butaun buka nian (tombol pencarian), hakerek de’it ArcGIS Administrator sei hetan. Hafoin hetan tiha hanehan iha nee dala rua.

Bainhira ita hanehan iha ArcGIS Administrator dalarua, nia sei lori ita ba iha parte nebe hanesan hatudu iha figura kraik ne’e.

Hafoin nia lori ita mai iha parte hanesan hatudu iha figura leten, ita hili iha parte Desktop, haree iha figura kraik ne’e, hili tiha iha Desktop, ba iha parte Not_Set hili Change haree sirkulu mean nian. Hanehan iha Change nee, no troka tiha Not_Set ne ho naran komputador nian ne’ebe ohin ita tau iha service, hafoin hanehan OK.

Hanehan tiha OK. Haree Not_Set ne’e mak troka ona ho naran nebe ohin ita muda, maka ba hanehan iha Apply hafoin hanehan fali OK.

Ne’e mak etapa sira kona ba halo Instalsaun ArcGIS 10.4.1. Ikus liu bele koko loke to’ok nia hatudu tampilan hanesan iha figura kraik ka lae?... se hanesan ne’e entaun loos ona. Hakarak loke atu koko, maka hili Aplikasaun ArcMap 10.4.1 nebe ita halo instala ona no hanehan dalarua nia sei sai hanesan iha figura kraik ne'e. Iha ne'e hein uza de'it ona.

Espera katak husi artigu simples ne'ebe hau aprezenta ne'e bele ajuda kolega sira hodi halo instalasaun ba aplikasaun ArcGIS, buat ruma ladun loos iha ita boot sira nia prossesu instala karik bele hato'o iha ne'e, liu husi Komentariu ou bele mos liga direita liu husi parte KONTAKTU nian. Mak ne'e de'it Obrigadu barak.

Link atu download ArcGIS 10.4.1. iha ne: Download ArcGIS 10.4.1

Bele assesu video instalasaun nia ne'e: Instalasaun ArcGIS

Posted in: ArcGIS, jeolojia jeral